Ecc 5 | Ndebele | STEP | Gcina unyawo lwakho nxa usiya endlini kaNkulunkulu ; sondelela ukulalela kulokunikela umhlatshelo wezithutha, ngoba kazazi ukuthi zenza okubi .

Ecclesiastes 5

Ukungagcwalisi izifungo kuyibuthutha

1 Gcina unyawo lwakho ^a nxa usiya endlini kaNkulunkulu ^b; sondelela ukulalela kulokunikela umhlatshelo wezithutha, ngoba kazazi ukuthi zenza okubi ^c. 2 Ungabi lamawala ngomlomo wakho, lenhliziyo yakho ingaphangisi ukukhupha ilizwi phambi kukaNkulunkulu ^d; ngoba uNkulunkulu usemazulwini, wena-ke usemhlabeni, ngakho amazwi akho kawabe malutshwana ^e. 3 Ngoba iphupho liza ngobunengi bomsebenzi ^f, lelizwi lesithutha ngobunengi bamazwi ^g. 4 Lapho ufunga isifungo kuNkulunkulu ^h, ungaphuzi ukusikhokha ⁱ, ngoba kakulantokozo kuziwula; khokha lokho okufungileyo ^j. 5 Kungcono ukuthi ungafungi kulokuthi ufunge ungakhokhi. 6 Ungavumeli umlomo wakho ukuthi wenze inyama yakho yone ^k, futhi ungatsho phambi kwengilosi ^l ukuthi bekuyisiphosiso; uNkulunkulu uzathukuthelelani ilizwi lakho, achithe umsebenzi wezandla zakho ^m? 7 Ngoba ebunengini bamaphupho lamazwi kukhona lokuyize okunengi, kodwa mesabe uNkulunkulu ⁿ.

Konke kuyize

8 Uba ubona ^o ucindezelo lomyanga ^p lokuphanjulwa kokulunga lesahlulelo ngodlakela ^q esabelweni ^r, ungamangali ngalinto, ngoba ophezulu kophezulu uyananzelela, njalo kulabaphezulu phezu kwabo ^s.

9 Lenzuzo yomhlabathi ngeyabo bonke; inkosi isetshenzelwa yinsimu ^t. 10 Othanda imali kayikweneliswa yimali, njalo othanda okunengi kayikweneliswa yikwanda; lokhu lakho kuyize ^u. 11 Ekwandeni kokuhle, bayanda abakudlayo; njalo kulenzuzo bani ^v kubanini bakho, ngaphandle kokukubuka ngamehlo abo ^w? 12 Bumnandi ubuthongo besisebenzi loba sisidla okulutshwana loba okunengi; kodwa ukusutha kwesinothi kakusivumeli ukulala. 13 Kukhona ^x ububi obubuhlungu esengibubonile ngaphansi kwelanga ^y: Inotho egcinelwe abaniniyo kube yibubi kibo ^z. 14 Kodwa leyonotho ichitheka ngomsebenzi omubi ^aa: Esezala umntwana, kungaselalutho esandleni sakhe. 15 Njengokuphuma kwakhe esiswini sikanina, uzabuyela eze ehamba njengokuza kwakhe; njalo kayikuthatha lutho lomtshikatshika wakhe angahamba lalo esandleni sakhe ^ab. 16 Lokhu lakho kuyibubi obubuhlungu ^ac, kukho konke njengokufika kwakhe ngokunjalo uzahamba. Njalo ulenzuzo bani ^ad owatshikatshikela umoya ^ae? 17 Njalo insuku zakhe zonke udlela emnyameni, elosizi olukhulu, lomkhuhlane wakhe, lokuthukuthela ^af?

18 Khangela, engikubonileyo mina, kulungile okuhle ukudla lokunatha ^ag lokubona okuhle emtshikatshikeni wakhe wonke awutshikatshikayo ngaphansi kwelanga, enanini lensuku zempilo yakhe uNkulunkulu amnike zona ^ah, ngoba kuyisabelo sakhe ^ai. 19 Laye wonke umuntu, uNkulunkulu amnike inotho ^aj lengcebo ^ak, wamnika amandla okudla kukho, lokuthatha isabelo sakhe, lokuthokoza emtshikatshikeni wakhe - lokhu kuyisipho sikaNkulunkulu ^al. 20 Ngoba kayikukhumbula kakhulu insuku zempilo yakhe, ngoba uNkulunkulu umphendula ngentokozo yenhliziyo yakhe.